Abdulla Oripovga
Nega og‘rib qolding
ey, Qashqadaryo
Manman tabiblarning yetarmi kuchi.
Neko‘z-
sen qayg‘umni qaritguvchi yo
O‘sha og‘riqlarni yangilatuvchi!
Bobolar nomingni ming karra oqlab
Ko‘rib kelayotir yaxshi-yomonni.
Tug‘ingni-
g‘ururing,
erkingni saqlab
Yuksaklarda tutdi ,,Sohibqiron"ing.
Tug‘ni yerga tortdi o‘laksaxo‘rlar,
Oqibat: fidolar qoralanibdi.
Tuzata olarmi, soxta ,,she’rxo‘r"lar
Vatanning og‘riqli yaralarini.
Kuchi yetarmikan osmon xalqimning,
Kuchi yetarmikan vayron xalqimning!
II
Har tarafi
oqar chiroq dengiz – she’r
Yelkanlarin qo‘rqmas o‘g‘lon boshqargan.
,,Mitti yulduz"
yulduz bo‘ldi ona yer
Chaqnagancha yillar
yillar osharkan...
✍️ Erkin Vohidov nomidagi ijod maktabi 9- sinf o‘quvchisi Nilufar Ergasheva