Ixtisoslashtirilgan ta’lim muassasalari agentligi tomonidan “Liderlar haftaligi” seminar-treninglariga start berildi.
Unda Agentlik tizimidagi Prezident, ijod va ixtisoslashtirilgan maktablarning 130 nafar rahbar kadrlari ishtirok etmoqda.
Tadbirni Maktabgacha va maktab ta’limi vaziri Hilola Umarova kirish so‘zi bilan ochib berdi:
- Ta'limdagi o‘zgarishlar ko‘pchilikning mehnati, harakati natijasida amalga oshiriladi. Hozirda boshlangan islohotlarni amalga oshirishda sizning alohida o‘rningiz bor, chunki Siz ta’lim sohasining liderlaridirsiz!
Bugungi seminarlar esa sizdagi liderlik ko‘nikmalarini yanada rivojlantirishiga ishonaman.
Mazkur seminardan ko‘zlangan maqsad umumta’lim maktablari direktorlari uchun uzoq muddatli strategiya va ustuvor vazifalarni belgilash, jamoada sog‘lom muhit yaratish, samarali ta’lim tamoyillari hamda liderlik ko‘nikmalarini rivojlantirish hisoblanadi.
____
E’tiborlisi, bu rahbar kadrlarda liderlik ko‘nikmalarini shakllantirishga qaratilgan birinchi o‘quv-seminari hisoblanadi.
