Agentlik tizimidagi Namangan shahridagi Prezident maktabida ta’lim-tarbiya, to’garaklar faoliyati hamda qabul jarayonlariga tayyorgarlik borasida yo'lga qo'yilgan ishlar yuzasidan ochiq eshiklar kuni tashkil etildi. Jarayonda ommaviy-axborot vositalari vakillari, ota-onalar va umumiy o’rta ta’lim muassasalari xodimlari ishtirok etishdi.
Maktabning umumiy faoliyati va 2021-2022-o'quv yili uchun qabul jarayonlari haqida Namangan shahridagi Prezident maktabining ijrochi direktori A.U.Pirnazarov atroflicha to‘xtalib o‘tdi.
Shundan so‘ng, mehmonlar ochiq eshiklar kuni doirasida maktabdagi o'quv jarayonlari va o'quvchilarga yaratilgan shart-sharoitlar bilan yaqindan tanishdilar hamda davra suhbatida Prezident maktablari faoliyatiga doir o'zlarini qiziqtirgan savollariga javob olishdi.
