Prezident ta’lim muassasalari agentligi tizimidagi Shayxontoxur tumanidagi ixtisoslashtirilgan maktabga o‘qishga qabul qilingan o‘quvchilarning ota-onalari bilan yig‘ilish bo‘lib o‘tdi.
Unda mazkur maktabdagi o‘qitish tizimi, yaratilgan shart-sharoitlar, o‘quvchilar amal qilishi kerak bo‘lgan qoidalar batafsil tushuntirildi.
Ota-onalar o‘zlarini qiziqtirgan savollarga mas’ullardan javob olishdi.
Eslatib o‘tamiz, mazkur ixtisoslashtirilgan maktab O‘zbekiston Respublikasi Prezidentining 2022-yil 14-apreldagi PF-106-son Farmoni asosida Prezident ta’lim muassasalari agentligi tizimida tashkil etilgan.
