Prezident ta'lim muassasalari agentligi delegatsiyasi Turkiyaning Istanbul shahrida bo‘lib o‘tayotgan konferensiyada ishtirok etishmoqda.
Konferensiyada, shuningdek UNESCOning O'zbekistondagi vakolatxonasi, Abdulla Avloniy nomidagi ilmiy-tadqiqot instituti vakillari ham qatnashishmoqda.
Tadbir o‘qituvchilarning kasbiy salohiyatlarini oshirish bo’yicha yondashuvlarni moslashtirish va ommalashtirish global tadqiqot loyihasi doirasida tashkil etilgan bo'lib, unda oxirgi yillarda o'qituvchilarning sifatli malaka oshirish yondashuvlari tadqiqoti natijalari mukohama qilinmoqda.
Mazkur konferensiya doirasida:
"O‘qituvchilarning kasbiy malakasini oshirish bo‘yicha yondashuvlarni moslashtirish va ommalashtirish"ning TDP@Scale loyihasi doirasida mazkur mamlakatlarda amalga oshirilgan tadqiqot natijalari bilan o‘rtoqlashish,
AKT vositalari yordamida malaka oshirish jarayoni tashkil etish va takomillashtirish bo‘yicha o‘zaro fikr va tajriba almashish ko'zda tutilgan.
Ma'lumot uchun, TDP@Scale loyihasi Prezident ta'lim muassasalari agentligi, UNESCOning O‘zbekistondagi vakolatxonasi, Аbdulla Avloniy nomidagi ilmiy-tadqiqot instituti hamda GPE KIX (Ta'lim sohasidagi bilimlar va innovatsion almashuv bo‘yicha global hamkorlik) tashkiloti bilan hamkorlikda amalga oshirilmoqda.
Konferensiya 26-30-sentabr kunlari bo’lib o’tadi.
